Fotoinformasjon

Johan Ottesens fotoarkiv har kring 250 000 eldre flyfoto frå heile landet. Flyfotoa er frå tre selskap: K. Harstad kunstforlag, Nor-Fly og Telemark flyselskap. Hovudtyngda av fotoa er frå 1950-og 1960-åra og viser korleis busetnad og kulturlandskap såg ut på den tida. Generelt kan ein seie at foto frå K. Harstad kunstforlag viser tettstader, medan Nor-Fly og Telemark flyselskap viser gardar og bedrifter.

Fotoa frå K. Harstad kunstforlag er i svart/kvitt. Foto frå Nor-Fly er både fargar og svart/kvitt. For Telemark Flyselskap (Telemark Flyfoto) er bilda fram til nr. 141355 i svart/kvitt, resten er i fargar. Når det gjeld foto frå K. Harstad kunstforlag kan byar vere medtekne i kringliggjande landkommunar.

I svært mange tilfelle kan det vere vanskeleg å finne fram til eit bestemt gardsbruk. Som oftast er det ikkje nærare spesifikasjonar på prøvefotoa enn det som står i katalogen. Det er såleis ikkje til noko hjelp å opplyse om gards- og bruksnummer. Ein del kommunar har kjøpt fotostatkopiar av fotoa frå deira kommune. Eit komplett sett av kopiar frå den kommunen du er interessert i kan såleis finnast på kulturkontor, bibliotek og liknande. Er du på jakt etter eit bestemt bilde, spør eventuelt naboen om han har eit gammalt flyfoto med nummer på baksida!

Fotosamlinga er ikkje digitalisert. Men eit lite utval av digitaliserte foto frå heile landet finn du på Historisk Flytur. Etter planen skal arbeidet med digitalisering ta til i 2006.

Johan Ottesens fotoarkiv

K. Harstad kunstforlag, Telemark Flyselskap, Nor-Fly, S. Grans kortforlag, Randolv Ulfstein, Gustav Osnes
Telefon: 70 01 03 13 - Mobil: 905 03 959
6065 Ulsteinvik
Epost: post@flyfotoarkivet.no